| lyric | Nüd schöiners as ä Wintertag,
Wän’s duße strübt und pfused.
Und ist d’Taglampe nienemeh,
Gly glitz’reds überei im Schnee,
Und ’s hät für eini tused.
Und d’Wält wird wyßer as äs Bett,
Wo beited ufs jung Brütli.
Wyß wien ä Tub wän d’Nacht agoht;
Wyß we sis Flökli abelot
Ufs rüebig Stägetrittli.
Wyß wie das Flökli ufem Tritt
Sy Fäderli verspreited.
Wie ’s Chindeäugli drüber schlycht.
Wyß wien äs Härzli no dr Bycht,
Wo use Heiland beited. |