| lyric | Es fot is aso chalte;
Es spängeled vom Chris.
Und ’s Bächli i dä Steine
Tuet’s Öirgeli is Ghüs.
Es goht äs räßes Windli;
Dr Wäg ist häl wie Glas
Und d’Bsetzi vor dr Chile
Eis Ys und au dur d’Gaß.
Es jedes nütig Stüüdli
Ist volle Gjäch und Picht.
Und ’s Wandzyt i dr Stube
Verzellt ä alti Gschicht.
’s verzellt vo warmme Ofe
Und vo dr schöine Zyt,
Wo’s Füür driine chuuted,
Wän’s duße stübt und schnyt.
Und wie dä ume Ofe
Dr Summer still ufgoht,
Und vor dr Ähnimuetter
Sy Farbe vürelot,
Und wie im dimmerwinkel
Äs Maitli ’s Schiffli trybt,
Wo nüd as Summersunne
Is Sydi ine wibt.
Und wie im Wiegli ’s Göifli
Sys Äugli lot umgoh,
Und wie dri d’Ähnimuetter
Änüi Wält gseht cho. |