| lyric | 1. Nei-n-is gwüß! I ma nit wibe!
Isch me nit viel besser dra,
we me ds Narrewärch cha tribe
wie me will u wie me ma.
2. Mit de Meitschene umespringe,
Lache, johle, juhze, singe,
Flause mache här und hi,
Luschtig si u gueter Dinge
Gilt, solang i ledig bi.
3. Ohni Chummer, ohni Sorge
Bruchen-i dem Gäld nüt z’borge,
Herr u Meischter bin-i ja.
U so freut’s mi alli Morge,
daß i no nit gwibet ha.
4. Blibt me numen einisch bhange,
Isch me für fir Läbtig gfange,
U de geit das Eländ a?
D’Wiber spannen eim i d’Stange;
Wie sie wei, so mueß me gah.
5.Chöme gar derzue no Chinder,
Denn isch völlig ds Chrütz derhinder,
Z’sorge het men ohni Änd;
U men altet ds halbe gschwinder,
Het men einisch bundni Händ.
6. Drum so ma-n-i gar nit wibe
D’Meitschi cheu mir Meitschi blibe,
I bigähre ihrer nüt.
Ja! i will’s grad underschribe!
Bhüet ech Gott u zürnet nüt! |