| lyric | Gugger i dä Sttude!
Gugger teuff im Wald!
Tüend im Lanzig brichte,
As r ’s Zyt söll richte--
As r ’s Zyt am Himel
Einist ufzieh tuet,
As die guldi Sunne
Mir gsehnd goh dounne.
As mir Buebe wirder
Chönd i Wald und Fäld;
Goh dur d’Stuude schlüffe,
No dä Maiepfyffe.
Chönd goh Beeri sueche
Und Fyfaltre fo;
Eis chönd d’Wält usgumpe
Und dr Tag verlumpe.
As mer widleich groted,
Fröili, starch und gsund,
nd statt Stubesitzer,
Wärded urchi Schwyzer.
Gugger i dä Stuude,
Richt is ’s Sunnezyt!
As die guldi Sunne
Mir gsehnd goh bounne. |