| lyric | 1. Wänn's chutet und wänn's wätteret
und Stei vom Himmel schmätteret,
wänn’s Ratze haglet, Chatze schneit
und dini schönste Plän verheit,
so dänk di Sach und sing,
dänn gaht der alles ring.
2. Wänn’s eifach niene fürsi wott,
verzwifle wetts a Mänsch und Gott,
wännt weder gnueg ne vorigs häst,
kei Freud, kei Rueh, kei sichers Näst,
dänn dänk di Sach und sing,
dänn gaht der alles ring.
3. Wänn d’Juget langsam vo der gaht
und s’Alter dir d d’Chnoche schlaht,
wännt grönelischt, versure wettst,
am liebste niemert um di hettst,
so dänk di Sach und sing,
dänn gaht der alles ring. |