| lyric | 1. Lönd eus au d Nochberstritt nid chüel,
mir wend is nid dry mische.
Es git um eusi Melchterstüehl
dür suber z ha gnueg z wünsche.
Nuwemer, isch au s Hüüsli chly,
bi eus no selber Meischter sy.
Und säb denn gwüß!
2. Mer gänd ech Milch so’ vill mer chönd
und lönd is d Hand lo schüttle.
Nu daß er ech nid understönd
a eusem Chessi z rüttle.
Stoht d Milch chüehwarm im Kübel do,
denn soll ken ungfrogt ine cho!
Und säb denn gwüß!
3. Und simmer au ke Herrevolch,
so stömmer doch in Ehre.
Mis sind uf eusi Freiheit stolz
und wüssed is drum z wehre.
Dreiht eine druf en freche Witz,
denn use Fötzel schnell, potz Blitz!
Und säb denn gwüß!
4. Wett eine-n-im Kanonetrott
es Schwizerhus vertrampe,
mir zeigted em wo Hüscht und Hott,
s ließ kein de Fäkke lampe.
Kei Findsgwalt und kei Füür und Erz
isch stärcher as e Schwizerherz!
Und säb denn gwüß! |