| lyric | 1. Los mis Herz was tuet di ploge
und was drückt di immer meh?
Chas nid säge chas nid finde,
sfehlt mer nüt und tuet doch weh.
Ha scho mängisch gfrogt im Gheime
was die Unrueh chönnti si.
Ha jo alls, ha jo alls, doch deheime
isch es frili no schöner gsi.
2. Aeh i d’Heimat möchti wieder
das isch sicher und recht bald.
Möcht zum Ätti möcht zum Müeti,
möcht zu Berg und Fels und Wald.
Uf und fort, i ziehne wieder
wos mir jung so wohl isch gsi.
Ha kei Lust und kei Freud
und kei Freide bis i wieder im Dörfli by.
3. Mueß die alte Plätzli bsueche,
euses Hüsli wieder gseh,
und de Chilchturm und de Nußbaum,
und mi Himmel und mi See.
Isch ächt alles no im alte,
so wies i mim Herze lit?
D’Lieb zur Heimet die will nid erchalte.
Uf und fort ’s isch die hächschte Zyt. |