| lyric | Wer stoht au det obe
Bim Gätterli zue?
He, ’s lustig Marannli.
Äs hüünt über d’Flueh.
Äs hüeted sy Geiße,
Und briegged dur d’Alp.
Äs gaumt jeders Gresli,
Wo chunt bärgesthalb.
Äs hüeted all Blueme,
Chnistblo und zündrot.
Jeddwedri Fygalt’re,
Wo d’Weide usgoht.
Äs gaumt d’Sunnefläckli
Wo umgönd im Gstüüd.
Ysy Härzli, das gümppisch,
Blöiß hüeted äs nüd.
Hät d’Hääre lo flüttre;
Hät ’s Härzli lo goh
Zuem junge Bawalter;
Ist niemeh heicho. |