| lyric | Großmuetter, i mag nüd wärche,
Es fählt mer neimewo.
Wil lieber eis dur d’Stuude
Dä Vogelnäst’re no.
Was witt dän au dur d’Stuude?
’s ist glylacht Bätezyt.
Und gsehst nüd ’s Nochbers Bethli,
Wie ’s räukt am Pfeisterbritt?
Sy Vater hät äs Heime
Und dri äs Burehus,
Und druf äs Guggehürli
Luegt durs ganz Ländli us.
Was witt dän au dur d’Stuude
Dä Vogelnästre no?
Es beited im Guggehrli
Äs Nästli himelblo.
Keis asligs Bett dur d’Stuude,
keis asligs ärdewärts.
’s hät z’Chopfede zwei Röisli
Und z’Fueßede äs Härz.
’s hät dri äs dieneds Gliger;
Ist ghuffnetvoll dürrs Laub.
Und köirst das Laub nüd rusche,
Sä bist nu mehdä taub. |