| lyric | 's ist lang, scho lang isch sider,
As’s grüeßt hät, fry und zärtli:
I bi am Hag zue gwalbed,
Chum ine i mys Gärtli!
Äs Jümpferli isch worde.
Zwei Röisli sind sy Öihrli;
Zwoo Rose sind sy Bäggli,
Und Bluest sy heitre Höirli.
Schneeglöggli hät’s ums Hälsli
Und undrem Blettlichettli,
Wie schöin! Zwei chugelrundi
Schneewyßi Bluemebettli.
Lue, grad verkum em wider!
Äs gschaut mi, schüch und zärtli.
Und was stoht i sym Äugli?
Chum ine i mys Gärtli! |