| lyric | I wei.s äs Härli, weles schlimms!
Und hät’s au Nägeli am Gsims,
’s lot doch kei Mäntsch i Rueb.
Goht eine blöiß am Hus verby,
Und hett r au ä Helgeschy,
Si chan ä glych verhäre,
Si chan em’s glych atue.
Und rüeffe allsäme Heilig a,
Chast ’s Hus voll Kapizyner ha,
Es ist dr nüd vil nütz.
Es mueß im Äugli gläge sy.
Z’erst wätterlaineds dri ächly,
No vor d’magst undre Scherme,
Sä schlot’s i wie dr Blitz.
Und luf si am ne helge Tag
Im Chränzli z’Chile dure Hag,
Sä lueg re glych nüd no.
Und wän si mit keim Aug luegt uf,
Und tuet si schier und gar kei Schnuf,
Es brännt di undrem Länder;
Bist einiwäg acho. |