| lyric | O hetti au äs Stökli
Und Rosechnöpfli dra!
I leiti au wie ander
Äs Rosegärtli a.
Was hät due det is Nochbers
Am Chatzeschybli gräukt?
Ä Ros mit rotem Bäggli.
Si hät mi lang scho zäukt
Dr Nochber dräht dr Zapfe.
Cha niemer inecho.
Due chräsli über d’Schyter,
Ha ’s Röisli abegno.
Jetz han em i mym Gärtli
Äs dieneds Beetli gmacht.
’s ist scho äs Rosechnöpfli
Nogwachse über Nacht. |