| lyric | Wie blüeht 's Holzöpfelbäumli!
Äs blüeht was’s cha und mag.
Äs wiegeled sy Röisli
Im heit’re Lanzigtag.
’s vertuet si ganz äleinig
Am ruche Tanneschrot,
Und gfindt’s glych jeders Byli,
Wo über d’Allmed goht.
Und drunder lyt äs Maitli,
und gaumed syner Geiß.
’s hät Bäggli wie zwei Röisli,
Äs müli au so eis.
Und d’Buebe hend’s wie d’Byli,
Ist ’s Maitli nu sä jung.
Si gönd em um sy Röisli,
Und suched dri no Hung.
O Chind, o Öpfelbäumli,
Das chunt vom böise Find,
As üeri schöine Röisli
Im Herbst sur Öpfel sind. |