| lyric | 1. De General hät gsproche:
„Was nützt mir s Militär?
Ich cha en Chrieg nid gwönne,
ohne Chäreli Mitrailleur!“
2. Die Mitrailleur und Fahrer,
potz Himmel Sapperment!
Sie sind mit Ross und Chare
de Stolz vom Regiment.
3. Min Schatz de het mer gschriebe:
„Oh Heiri! Gwüss uf Ehr!
I hürot nie en andre,
als en Chäreli Mitrailleur!“
4. Und chömed mir in Himmel,
so juchzed alli Chör!
Jetzt chömet samt de Chare
die cheibe Mitrailleur. |