| lyric | Glanzgugger, Glanzgugger,
Was guugist ä so?
Was sötti nüd guuge,
Dr Lanzig ist do.
Du luegst jo au eistig
Durs Schybli uf d’Weid,
Und gschaust di im Spiegel,
Und ornist am Chleid.
Und lost i dä Hoore
Lo Zäukerli stoh.
Und machst drus äs Netzli
Und witt ä dri fo.
Und gohst üb’re Anke,
Rybst d’Bäggli mit i.
Fost heimli a tanze,
Und gsplüßest di i.
Und wän ander schloffed,
Sä schlüfft us em Bett,
Und machst die as Schybli,
Und zännist mer det.
Und foni a guuge
I dr glanzheitre Nacht,
Im Glaube, es tagi,
Wird ’s Schybli ufgmacht.
Und losed zwei Öihrli,
Wie’s guuged im Gstüüd,
Und flismed äs Müli:
O chämt r au hüt! |