| lyric | Jetz, meini, sött's gly Summer gä;
’s fot ämel aso warme.
Und ’s Bethli hät scho hindreglitzt
Die chrydewyße Arme.
Äs hät zwei Röisli usegstellt
Vor syni bloe Schybli.
Und ägre ließt’s zuem Hüsli us
Zwei chrydewyßi Tübli.
Jo, jo, ’s wird heißer überei.
Chind, blyb du schöin im Schatte,
Und la dy Tübli jo nüd us!
’s hät Spärbel ob dä Matte.
Und Bethli, nimm di wohl inacht
Mit dyne rote Rose!
As j dr Föihn nüd drüber chunt.
Dr chöt dr’s wüest verblose. |