| lyric | Was lached r det hindrem Hag,
Ihr hinderhältige Blitzge?
Mein ’s Jäte git i nüd wohlus;
Dr tüend i chuum verhitzge.
Sä beited nu bis d’Chilbi chunt
Mit Gyge und Trumpettli!
He, eini mueß mer gw^ß a Tanz,
Syg’s ’s Myli, ’s Änni, ’s Behtli.
Und won r lauft im Döirfli zue
Fot ’s Myli aso juze.
Wer meint r ächt? I glaube mich;
Är tuet mi lang scho fure!
Und’s Änni rüehrt sy Haue furt,
Und lacht: Du trügst di bitter;
Är chunt mer jo scho langiszyt
Vor Pfeisterli uf d’Schyter.
Blöiß ’s Bethli wärched rüebig zue,
Mit bleichem bloogem Bäggli.
Äs Tränli schlycht em drüber ab,
Still wien äs Heidelschnäggli.
’s ist chürzli bis uf d’Stägebrugg
I eim goh usezünde.
Hett nu dr Wind nüd ’s Liecht verlöscht;
Jetz cha s’ ä nümme gfinde. |