| lyric | Was tüemmer dämn au, Vater?
Es ist jo Sunntignumittag.
Mer stönd is Gärtli, Mueter,
Und lueged übre Hag.
Wer lauft dän au det, Vater,
Höich obe über d’Fareweid?
’s ist übsers Maitli, Muetter,
Im rote Fyrtigchleid.
Was tuet’s dän au det, Vater?
Äs gumpped wien ä gletzte Has.
Äs wird goh beerne, Muetter,
Durs Brüüsch und Faregras.
Und gwahrst dän au nüd, Vater,
Wer wildedel au hinnedri?
Am Juze dnkt’s mi, Muetter,
’s chöt ’s Nochbers Chnächtli sy.
Was suecht das ChnAchtli, Vater?
ist ärmer as ä CHilemus.
Wer wil em’s wehre, Muetter,
Goht är dur d’Weide us.
Jetz stoht r bin re, Vater;
Und gwahrsch es nüd, är git re d’Hand!
Är trait re ’s Chrättli, Muetter:
Si beerned mitenand.
Und trait r ’s Chrättli, Vater,
Sä lyt au ihres Härzli dri.
Sä lo ’s driligge, Muetter;
’s wird ase müeße sy. |