| lyric | Was fählt dr, Marieli,
Was bist äso ducht?
Häst albig zume Lache
Kei Tanzmusig brucht.
Sust hät doch dys Äugli
Wien ä Mutterma gredt.
Und zündt hend dy Bäggli
Wie ’s Füürilgebeet.
Und jetz machst äs Äugli,
Wie ’s Tau uf em Chlee,
Und trurige Bäggli,
Wie Blueme im Schnee.
Ist hüt dochim umgang
Keis Chränzli sä wyß,
Keis Tschüppli sä heiter
Und fromm gsy wie dys.
’s Marieli ist gange.
Keis Wöirtli hett’s gsait.
’s hät ’s Chränzli is Trükli
Zuem Stächpalme gleit.
Ja, Gotte, jä, Gotte,
Was froged r vil,
Fot ’s Finkli a niste
Wird’s au ase still. |