| lyric | My Schatz ist vertloffe;
Kei Mäntsch weißt wohi.
Jetz gseht’s jeders Göifli
Wie bleich as i bi.
My Muetter, die hät mer
Äs Schöißli verehrt.
Jetz isch volle Mose;
Verfosled, verzehrt.
O Röisli im Weidland,
Dä häsch doch au to,
Und häsch alli Byli
Durs Türli lo cho.
O Röisli im Weidland,
Wie schöin bist agleit;
Und häst nüd äs Mösli
Am Gruft dervotrait.
Und wän dr ’s rot Bäggli
Im Winter vergoht,
Dr Lanzig färbt’s wider
Nu mehdä sä rot.
Ich aber mueß wandle,
Wie ’s agschoße Reh.
Lot jeddweders Trittli
Äs Bluetgspur im Schnee.
Und cha nüd vertlauffe,
Giengt d’Wält nu sä wyt.
Wie ’s Härz mueß verblüete,
Es gwahred’s all Lüt. |