| lyric | Heiufe is Döirffli,
Heiufe is Hus!
Wo ’s Gspüsli am Schybli
Luegt d’Weide durus.
Wo’s d’Nägeli bschütted;
Dä Vöglene pfyfft,
Eis lacht bis si d’Sunne
I d’Tobel vertschlüft.
Jä, Näegli säged,
Was sind r nüd rot?
Wil ’s Marielis Tränli
Üs ’s Bäggli abgoht.
Jä, Vögel, was sind r
Sä still und sä gschlacht?
As ’s Marielis Büebli
Nüd eistig verwacht.
O Muetter sant Annä,
Isch serewäg cho!
Wie hani au chönne
I d’Wält usegoh!
Wie hani au chönni
Vom Gspürli sä wyt,
Wo’s tused Hungschläker
Für eis Blüemli git.
O Nägeli hett i
Dr Wind zue mer trait!
Äs jedwedders Blettli
Hett d’Wohred mir gsait.
O wäred ihr Vögel
Mir über all See
As Schybli cho pike!
’s wär ebig nie gscheh.
O Muetter sant Annä,
Bhüet ’s Maitli und ’s Chind!
Goh wider is Wältschland
As ’s nie nüd verninnt.
’s söll nie vor mer räuke.
Wil’s nie anderst gseh,
As im Himel, wo’s wider
Sä wyß ist wie Schnee. |