| lyric | Ach Jeseß, o lyti
Sächs Schueh teuff im Grab!
Ha d’Trüi nüd ghalte
Dem willige Chnab.
Und är ist im Wältschland,
Und meint, i syg trü,
O gfund r dr Heiwäg
Au niemeh do hi!
Chönd doch niemeh zäme.
Ich chume i d’Hell.
Und chämti i Himmel.
’s wär au nüd mys Gfel.
Müeßt eister verchlupfe,
Tät d’Himelstür goh.
Müeßt dänke: Jetz chunt r!
Wie stiendi au do!
Maira und Joseb,
Gottvater vora,
All heilig Jungfraue,
Si luegted mi a.
All Ängel und Martrer
Die uschuldige Chind,
So müeßted’s all gwahre,
Wie ’s Bäggli mir brünnt. |