| lyric | Wo ist ä Moler i dr Wält,
wo ase molt i Hag und Fäld
Ä Maie wie dr Lanzig?
Wo ist där Künstler rings im Land,
Wo blöiß äs Blettli macht vo Hand,
Wie’s trait jeddweders Bäumli?
Wo ist ä Moler, wo dr Schnee
So z’glitzgre bringt, as ’s Aug tuet weh,
Äs wie dr Meister Winter?
Und keine moled, wyt no breit,
Wie’s ’s Schybli doch allsgrasled trait,
’s Ysblüemli und sys Säumli.
Wer molt mer erst mys Schatzichind?
Und molst dr Himel ase blind,
Mit sant em Rägeboge,
Sys Augebrönli bringst nüd har,
Und drunder ’s chnistblo Äugli gar,
Und was dri umgoht Heimli. |