| lyric | Wo flügt jetz änes Byli har?
He, vo dr Angebluem.
’s trait zündguldgälbi Schüehli no.
Äs heig’s det inne übercho.
Und ’s goht nüd lang, chehrt nu eis a,
Und eis im andre no.
Zell eine alli, wän r cha,
Wend alle guldi Schlärppli ha.
’s Fyfälterli chunt au derthar
Im blüemte Sunntigchelid.
He, fot das narchtig Flünggli a,
Sind do die gälbe Strümpfli z’ha?
Nei, aslig ytel Bätellüt!
Jetz sött’s es einist tue!
Und d’Ankeblume, ’s ist Bätezyt,
Ninnt ’s guldi Töirli zue. |