| lyric | Nei, luegme au das Stüüdeli
Im sydegrüene Chleidli!
Wer färbt dr au dy Hüdeli
Alljohr sä schöin und weidli?
Säg au, wer hät dr d’Häntschli gmacht,
Und dri die fyne Strymli?
Und gsehnd er nüd, ist das ä Pracht!
Sys füürrot Chappeschümli.
Und bhüetiß nei, wohar häst au
’s Schmökwasser i dym Tschüüppli?
Keis Vyali frisch us em Tau
hiet ase und keis Hüppli.
Keis Wunder, as die schützle wend
D’Fyfälterli und d’Byli.
Keis Wunder au, as s’ nie gnueg hend,
Häst gar äs süeßes Müli. |