| lyric | Seh, Maitli gah ge luege,
Wer pöperlid a d’Tür?
Ä arme Bekihändler.
He, bruchid jehr käs Gschir?
Hätt hirmuetsschöüni Sache;
Alls nagelnüwi Waar.
Sä chum gottsname ine,
Und zeig dy Rustig har!
I han im Lanzig Hochsig.
Ä Hafe sötti ha,
Wo nie dri schwynt dr Anke,
My guete Gschirlima.
Drü Chaecheli ufs Boffed;
Scöün blüemeled söttig s’ sy.
Au söttig s nie verhye;
Und wett ä Spruch drby.
Dr erst wär für mi sälber.
Sött druf äs Röüsli stah,
Und ds Sprüchli das müßte heise:
Gottgsägnis, liebe Ma!
Äs zwürigs für ä Gspüslig,
Vo blabe Blueme voll,
Und drunder dure ds Sprüchli:
Liebs Fraueli, zum Wohl!
Das dritt, jaha, wurd, ejä,
Für neimer anderst sy.
Wett druf äs grasgrüens Chränzli,
Äs zündrots Härzli dri.
D’Großmuetter hindrem Ofe,
Die rüeft am Maitli zue:
Vom dritte nim äs Dotzed,
’s gaht, ejä, i eim Tue! |