| lyric | Anneli, wän'd tanze witt,
Höir au einist wäbe!
’s ist jo Chilbimändig hüt;
Lustig wemmer läbe!
Leieb Bueb, i darf nüd cho,
ha keis Fyrtiggwändli.
Ließist mi am Änd lo stoh
Im abgschoßne Fähndli.
Hett äs Wupp schneetubewyß;
Git äs Chleid vo Syde;
Wär’s au mys, o, wär’s au mys!
Wär gly by dr nide.
Tät ä roti Bluem is Hoor,
’s Glänggeli is Öihrli.
O. dä möcht mer keini vor
keine wurd mer gföihrli.
Anneli, chum wie dr Wind
I dym Rystetschüüppli!
Tusedmal isch schöiner Chind,
As dys Sydiswüppli.
Und kei Ros uf Ärde goht
Über dys ro Bäggli.
Schöiner räukt keis Obedrot
As ys Ohreläppli. |