| lyric | Äs Zysliwybli rüeft durs Laub:
Pst, pst, ziliwit! im Zysli.
Äs wie dr Blitz flügt’s zuen em har;
Mit Äuglene wie Glyßli.
Was hend s’ ächt zäme z’schnäble ka,
Uf ihre grüene Zwyge?
I wil dr’s säge, narchtigs Chind,
Blöiß ghalt’s und bis verschwige!
He, ’s Wybli hät zuem Mändli gsait:
Wie ist jetz d’Wält voll Freude!
√s ist alls voll Blueme überei,
Und d’Sunne dur d’Weide.
’s wird tanzed und ’s wird Musig gmacht,
Und alleitag git’s Fästli.
Und einewäg, ziliwit, pst, pst!
Am schöinste wär’s im Nästli. |