| lyric | Lanzig, Lanzig isches wider.
Nei, wie haspled d’Sunne!
D’Waserstelzli baded wider.
D’Spatze, lue wie hend s’ äs Gfleder,
Dusse uf em Brunne.
Jeders Stüüdli hät is pützled,
Mit me grüene Blüsli.
Jeders Tänndli hät si pützled,
Jeders ruch schwarz Tannegrotzli
Trait grasgrüeni Brysli.
Überei luegt d’Hoffnog use.
O mys härzig Wybli!
Überei luegt d’Hoffnig use,
Aber nien schöiner weder
Us dym bloe Gschybli. |