| lyric | Nei wele schöini Summernacht!
Hät neimewo äs Stimmli gmacht,
Wend hinecht eis goh fäste!
Und lueg mer nüd! Wer tanzt dur d’Weid,
Sä meisterlosig wien ä Heid?
’s Fyfälterli im Hochsigchleid.
Und wo’s due Fäkled ume Rai,
Köirt’s d’Weid usgyge überei.
Los au ist do ä Läbtig!
Sött öppe hinecht Frynacht sy?
All Nachtfyfaltre, groß und chly,
Si gäuerled im Stärneschy.
D’Tanzmusig chame niene gseh;
Huurt gläuppli undrem Guggerchlee.
Jänu, mi köirt si ämel.
Und lueg erst d’Farefreser a!
’s hät gfargedi Latärnli dra;
Chöt s’ schöiiner chuum z’Vynedig ha.
Potztusig au, ist das äs Tue!
Die wyse Fäkli stübed zue,
Wie d’Floke usgänts Horner.
Nüd esi sit ohni Gspüdlig hüt.
Zäntumme nüd as Hochsiglüt.
D’Tanztili goht weiß Gott wie wyt.
He, sait due eis, ’s ist ämel Nacht,
Hüntsch git do währli niemer acht;
Sä wemmer’s profidiere.
Wer weißt wie’s more tage wil!
Cha sy, es bericht’s eim nümme vil.
Sä nehmre’s hüt und hend is still.
Und lue, es tages ob em See!
D’Fyfälterli sind nienemeh.
Blöiß a dä Faregresre
Tautröpfli hend wie Füürli zündt.
Due chunt und löscht dr Morgedwind
Die gfarbede Latärnli gschwine. |