| lyric | Was flismed im Halbäsegras?
Dr Wind, dr Wind, der Wind!
Keis Hostedli ist wyt no breit,
Keis Vögeli, kei Freud no Leid,
Keis läbigs Mäntschechind.
Wär nu dr Vogel Huppert nüd,
Där zäukt eim hin und har.
Und Hälfis Got! Und stand au still!
Är zänggled di i d’Schachesihl
Zuem Blüemli Nenüphar.
Was sött das für nes Blüemli sy?
Ä Ros isch, wyß, wyß wie Schnee.
Hät ihres Würzli i dr Hee.
Im Chelch huurt ä verlorni See,
Und chluudred vor Heiweh. |