| lyric | Was birnged r Guets, Turpner?
Do, lueget wele Fund!
Äs Mässer hani funde
Im Schacheturpegrund.
Wer hät’s ächt au verloched,
Sä teuff im Turpehärd?
Äs glitzgred wien äs guldis;
Ist gwüß vil Duble wärt.
Nei, Guld isch keis, my Geute.
Was chratzed r im Hoor?
Das lyt scho undrem Bode
Cha sy trütused Johr.
Vilichter hät’s ä Jäger
I groer Pfahlbuzyt
Bim Bärehau verlore,
Cha sy, im böise Strytt.
Cha sy, ’s glänzt dr nu Trüi
Un d ’s Heldebluet wie Guld.
Cha sy, kläbt a dem Mässer
Drütusedjährigi Schuld. |