| first_line | Kä Wise wird grüen ohni Räge und |
| lyric | Kä Wise wird grüen ohni Räge und
Kän Öpfel wird rot ohni Sune und
Dune im Tal hät’s en Bach de flüüsst is Meer
D’Foräle chönd tanze uf de Wäle und
D’Bienli sammled de Blütenhonig und
Dine i de Wohnig hät’s en emsige Vercheer
Jedes weiss wo’s here g’hört
Und jedes lueget das es kei anders schtört
Bim Sammle vom Honig für di chliine Bienli
Jedes weiss wo’s here g’hört
Und jedes lueget das es kei anders schtört
Bim Sammle vom Honig für d’Larve
Käs Huen chunt uf d’Wält ohni Ei und
Kän Adler cha flüüge ohni Flügel
Über d’Hügel ine chlädered d’Wolke gäge de See
En Schtorch bout es Näscht ufem Tach und
Im Herbscht muss er dänn in Süüde abe reise
Im Ameisehuufe schafft e riisige Armee
Jedi weiss wo si here g’hört
Und jedi lueget das si kei anderi schtört
Bim Sammle vom Futter für s’Ameisebrot für de Winter
Kä Fraue chönd Chind ha ohni Mane
Und niemerd sötti de Boge überschpane
Susch liged ali Tane im Tobel une chrüz und quer
Bi eus gits kä Schtadt ohni Tuube
Wer e Muetere hat de bruucht e Schruube
Und wänn d’Truube riifed chömed d’Winzer für de Wümet dether
Jede weiss woner here g’hört
Und jede lueget das er kän andere schtört
Bim Läse vo de rote und de wiise Truube im Oktobe |
| language ISO 639 | gsw = german swiss / allemand suisse / schweizerdeutsch / schwyzerdüütsch |
| protection © | n/a |