| lyric | 1. Es Blüemli wachst im Schwyzerland,
das find’st sust niene meh!
Es wurzlet nur a Feld uns Flüeh
bis hoch an eb’ge Schnee.
Dort ist’s ihm wohl a wilder Chluft,
das Blüemli brucht halt Alpeluft!
2. Und wenn der Föhn der d’Berge stricht
und d’Lani abe chunnt,
so ist mys Blüemli scho erwacht,
streckt d’Blettli usem Grund.
’s het lang scho planget unterm Schnee,
het wieder wölle d’Heimet g’seh.
3. Ja, weißt du au wie’s Blüemli blüeht?
Es blüeht schön wyß und rot!
Doch wer ihm z’näch a’s Lebe chunnt,
dem drohts mit Grab und Tod.
Es liebt halt d’Freiheit um und a,
wie jede rechte Schwyzerma.
4. Drum gaht der Schwyzer furt i d’Welt,
verdient er Geld wie Stei:
Es trybt ihm öppis eister z’rugg,
es dänkt: o chönnt i hei!
Möcht wieder myni Berge g’seh,
voll Gletscherys und Sschwyzerschnee. |