| lyric | 1. Es Plätzli am See,
was cha me daa gseh?
Die Wälle wies glänzed
und chömed und gönd,
dass lys wien e Musig
im Häärz ine töönt.
2. Es Plätzli am See,
was gseed ma na meh?
Die Döörfer zänume,
im sunnige Glanz,
vo Wisen und Bäume
rundumen en Chranz.
3. Es Plätzli am See,
was chönts Schööners gää?
Was chame daa ghööre?
Von Glogge das Glüüt,
am Morgen und zaabig,
bald nääch und bald wyt.
4. Es Plätzli am See, was
wottsch dänn na meh?
Es Gaarte, wot luegischt,
s chönt nüd schööner sy
und drüber de Himel,
vom See häär de Schy. |