| lyric | 1. Maiechäferli summ summ summ!
Streift i alle Blüeten um.
Es nippet do, es nippet deet,
bis’s es chliises Rüüschli hed.
Maiechäferli summ summ summ!
2. Maiechäferli summ summ summ!
Leid e Khakimantel um.
Es hed e chliine Größiwahn,
es meint es sig e-n-Aeroplan.
Maiechäferli summ summ summ!
3. Maiechäferli summ summ summ!
Wott uf d’Reis um d’Aerden um.
Gar höch ob all dem Blüeteduft
dursurret es wie wild di Luft.
Maiechäferli summ summ summ!
4. Maiechäferli summ summ summ!
Nimmt d’r Flug es bitzli chrumm!
Gheit abe in e Hüehnerschar,
es truurigs Aend und das ist wahr!
Maiechäferli summ summ summ! |