| lyric | 1. Chum hät e Frau de erschti Sohn gebore,
da häts de Vatter scho uf d’Rolle gnah,
und d’Lüüt händ gsait mer gsächis a de n’Ohre,
das Büebli schlöng genau em Vatter nah.
Ganz de Bappe, ganz de Bappe, ja Bappe hät das au.
Ganz de Bappe, ganz de Bappe, ganz genau.
2. Das Büebli isch gägs schträhle und gägs wäsche,
und ’s Fingernegelschniide schätzt er nie,
doch bringt em öpper sini Schoppefläsche,
dänn schtrahlt er amix will er eis cha zieh.
3. Mer glaubt’s nöd wie dä d’Auge cha verträie,
und schimpfe chan er au scho ase chlii,
und wänn’s em nöd grad passt, ddänn ghösch en chräie,
und wänn er fertig kräit hät schlaft er ii.
4. Und hät dä Chlii emal nöd grad sis Fuetter,
und hät er a sim Tuume wehli weh,
dänn brüelt er wien am Schpiess und rüeft de Muetter,
und d’Muetter die seit resigniert: oje! |