| lyric | 1. De Tag isch verbi und jetzt gömmer denn hei
und schlafed bis morn ohni Sorge.
Mer weuscht sich guet Nacht und na suscht allerlei,
und träumt na devo bis am Morge.
Der Abig isch schön gsii, mer seit denand tschau,
und muess halt de Wäg under d’Bei näh.
Der eint nimmt de Huet, der ander si Frau,
uf all Fäll chasch öppis mit hei näh.
Guet Nacht mitenand, und chömed geut hei!
’s isch dunkel veruss, drum gönd nöd elei.
De heiwäg isch schön, nur ja nöd pressiert,
und händ sorg im Ränke, dass nüüt Dumms passiert.
Guet Nacht mitenand, und chömed guet hei!
Mer druckt denand d’Hand, und villicht zum Schluss
git’s da oder dt no öppe en Chuss.
2. Am schönschte isch d’Nacht und am schönschte für zwei,
wo gern denn elei sind im DUnkle.
Es hät gwüss es Schtärnli, das lüüchtet eu hei,
unt tuet für eu schiine und funkle.
De Mond isch nöd nötig für zei ganz elei,
dä brucht eim ja gar nödz’bewache.
Eis Schtärnli, das gnüegt, das langet für zwei,
git hell gnueg für settige Sache. |