| lyric | 1. Höch uf de Bärge, ganz hinde im Tal,
schtaht ä bruns Hüsli,
so chlii und so schmal.
Det wohnt mis Müeti scho vill langi Jahr.
’s isch älter worde und hät graui Haar.
Grösser wirsch, älter wirsch, d’ Ziit will fascht verränne.
Jede gaht sine Wäg, und ’s Läbe nimmt sin Lauf.
Müeti los zue, i d’ Abigrueh
tönt’s wie ne Glogge so hell und so klar.
’s Echo vom Bärg rüeft ä Dir zue,
wänn ich für Dich singe tue.
2. Weisch no, liebs Müeti, wie schön ist se gsii,
bi Dir deheime im Schtübli so chlii.
Gsunge und glached händ all Dini Chind.
Doch all’s vergaht ja so schnell und so gschwind.
3. Müeti, liebs Müeti, bald bisch Du elei.
All Dini Chinde chänd nümme so hei.
’s ränned kei Buebe meh ’s Wägli duruus.
’s wird wider schtille bi Dir i Dim Huus.
4. Müeti, liebs Müeti, dänk immer fescht dra,
das mir Dich lieb und ganz gäre tüend ha.
Müeti, Du weisch es, mir händ immer Ziit,
dänn bis zu Dir hei da isch’ ja nöd wiit.
5. Müeti, liebs Müeti, was wit Du no meh,
häsch i Dim Läbe so vill gschafft und gseh.
Bisch immer lieb und so guet zu üs gsii,
drum danke, liebs Müeti, min Goldsunneschii.s |