| lyric | 1. Ich singe gärn, ich singe vill,
ich singe immer wänn ich will.
Ich singe früeh, ich singe schpaht,
und wäsche d’Schnägge vom Salat!
Ich singe La la und mache Konfitüre ii.
Ich singe La la und mache Kaffelüre no derbii.
Und wänn i d’Röschti chere, dänn mache i alls,
die aller schönschte Fingerüebige mit em Hals!
Ich sing ganz tüüf abe, ich sing gan höch ue,
und götschle im Schüttschtei de Takt derzue!
Ich singe im Chäler, ich sing s’höchi C,
und haue uf d’Kottlet mit Holi duli juchui!
Bölle und Lauch, Essig und Öl
Würscht us em Rauch, Cahbis und Chöhl,
Chalbszüngli, Güggeli, Chnöpfli, Rehrüggeli,
Gschwellti mit Alpchäs,
Wädli mit Mayonais,
Erbslipüreé, Felchefilet,
Quittegelé, Omletsoufflé,
Marronglacé, Herz, was wotsch no meh?
2. Ich singe schön, ich singe rein
und i der Chuchi tönts so fein.
Ich singe luut, ich singe liis,
tue Salz an Pudding schtatt an riis!
Ich sing la la, bin halt e Chöchin us besrem Huus,
ich singe la la, und nimm am e Trutthan fröhli d’Chuttle us.
Mit eme luschtige Liedli
gaht s’Choche halt doppelt so flingg,
und wird de Güselchübel z’voll
dänn gib em halt en Gingg.
Ich sing gant tüüf abe, ich sing ganz höch ue,
und götschle im Schüttschtei der Takt derzue!
Ich sing vo der Liebi, zwölf Takt i eim Schnuuf,
dänn gaht mir de Gugehupf graf föiffach uf! |