| lyric | 1. Wem ma zu schpoter Schtund
dur ä Gass härakunnt
bim ma Maitli wi ma kennt
gseht ma dass z’Liecht no brennt.
Es isch scho halb zwei,
aber witsch jetzt no nit hei.
Vreni bisch du allei dahei?
Si tuat us em Fenschter rüafa,
si well der Schlüssel werfa,
schtigsch alli Schtäga n’uffa,
und scho schtoht Türa n’ offa.
A kerza wo brennt
im ana Zimmer wo ma kennt
und z’Vreni wo eim entgegakunnt.
z’Vreni isch dia Märligschalt s’isch das ewig schöna Maitli.
Si kunnt us dina tüfa Träum,
aber jetzt schtoht si do ganz würkli.
Ihri Auga sin a tüfa See
ma könnt döt drin go bada,
aber irgendiwa isch der z’Wasser z’kalt,
witsch lieber no a bitzli reda.
1. As heg nu rota Wii.
Jo s’törf au Rota sii.
Un denn tüen der verläga.
Du hegisch schöni Händ
und was ächt drin gschriba schtend.
Und z’Vreni gschpürt as Für wo brennt.
Du segisch a Häxameischter,
iar segen zwei bösi Geischter.
Denn tüan der fiirlich tanza
as Schpiel vo tier und Pflanza.
Iar sin in Morgaland,
dia zwei Schatta an der Wans.
Und z’Vreni truckt der z’Härz in d’Hand.
Vorussa wirs scho heller und a Katz
schliicht über Dächer.
Vis-à-vis macht eina d’Fenschter uf,
und si füllt nomol der Bächer.
Bi dena gohts zur Früaschicht,
ma khört Motora in da Schtrossa.
Si seit der dina Nama lislig
als würd si na sus vergässa.
3. Liebsch du mi?
I glaub i lieba di.
Schemsch du di?
I glaub i schemma mi.
Wettsch du mi?
I wetti bi diar si.
Und z’Vreni ladt eim zum z’Morga n’i.
Der Kaffi schücht die Nacht awäg
aber z’Vreni will no go schlofa,
d’Sunna schiint durs Konfiglas
und du söttisch jetzt go schaffa.
Si macht der no as Znünibrot
und tuat fascht übertrieba,
du frogsch ob törfisch wiederkkho
und si seit du segsch an Lieba. |