| lyric | 1. D'Tage läng u hektisch
D Tage läng u hektisch,
u d Nächt sy ohni Rueh,
e Wält, wo fasch perfekt isch,
doch öppis fählt derzue:
E Troum, wo d hesch begrabe,
so dass er nümmeh schticht,
u glych fahsch ersch afa läbe,
wenn er wider fürebricht.
Ref.: Jede bruucht sy Insel, jede sy Palmeschtrand.
Jede leit mal gärn sy blutti Seel i wysse Sand.
Säg, wo isch di Insel, wo isch dä Palmeschtrand?
Säg, bischs du, nimmsch du my müedi Seel i dy chlyni Hand?
2. Ga schaffe u ga pickle,
geng am Puls vor Zyt.
Wyter sech entwickle,
doch sy mer nid scho z wyt?
Nei, Tröim sy nid vergäbe.
Si sy ds Ventil vom Gmüet.
D Ouge chasch verhäbe,
doch Tröim verschwinde nid! |