| lyric | Eis chöti nie vergäße,
Dy Auge guet und fry.
Und trü, wie trüi Hündli,
Au wäni sturb, Marie.
Und söttist überdure
Mir lang nüd noe cho,
Mir lufed doch dy Auge
Wie trüi Hündli no.
Und dörftist überänne
Mit so eim nümeh ha,
Mich luegted doch dy Auge
Wie trüi Hündli a.
Das ist und blyt my Glaube,
My Hoffnig bis i Tod:
Mir chönd nu no dy Auge
Wie Hündli, wän alls goht.
Und wä mi Üserherrged
Jspeerti teuff i d’Hell,
Tüend s’ ebig uf mi beite
Wohl vor dr Türesell. |