| lyric | Marie, ä Dichter ist äs Chind;
Schlot um wie ’s Wätter und dr Wind;
Ist dobe grad und dunne.
Äh, woni um di zitt’red ha,
Chönd alli my Luftschläßli a,
Und alli myni Freude
Sind über Nacht verbrunne,
Äs wie im Ryffe d’Weide.
Still us dr Äsche chunt äs Chrüz,
Wo all där Rauch vo Mäntschewitz
Verroche ist, verfloge.
Dr Herrgott ist dy einzig Fründ,
o Mäntschehärz, i Sturm und Wind.
Und tät ä Hell dri bälle,
Sy heiter Rägeboge
Goht über Sturm und Wälle. |