| lyric | Gschau eine 's Raindli vor em Hus!
Mi kännt’s bigopplig chuum.
Gseht wien äs Chlosterfräuli us
Jm wysse Cahppeschuum.
Und lueged nu wie schöin as’s räukt;
Schiergar wie neimis Frau’s.
Wer hät dr au ’s wyß Gwändli gschläukt?
Gält nu, dr Sammichlaus.
Es chan eim wärde über Nacht,
Bivor ne nu dra dänkt,
As seine mit em Gfell verwacht.
Dr Samichlaus hät’s gschänkt.
Verzwänge aber chasches nue,
Zwängt ’s Härz dur Johr und Stund.
Wohl tuet dr Chlaus mit umezieh;
Weißt niemer wän r chunt.
Und schläukt r ume Tag für Tag,
Gly übre ist dy Zyt,
Mueß welle won r zue dr mag,
Wo’s sövel Türli git. |