| lyric | Bi blöiß ä amre Vagäbund.
I striele ’s Land us langiszyt;
Und wä me nüd im Boliß lyt,
Sä lyt me neime unne,
Und tuet sy Chappe sunne.
I wil nüd tue und cha nüd tue,
As öppesiä am Wasser stoh,
Und Groppe und Forälle fo,
Und i sym Lauf nosinne.
’s hät Wasserjumpfere dinne.
I ha keis Handrich los, kei Brueff,
Es tuet’s nüd i dr Faberik.
Es hät z’vil Volch und d’Luft ist z’dik;
Au cha mi zwenig puke
Zuem läbe in re Truke.
I ha keis Hus, i ha keis Heim;
I ha keis Wyb, i ha keis Chind.
’s verzusled mi jeddwedre Wind,
Und Hünd, und gytig Bure
Lönd mich nüd gäre dure.
Und glych, ituschti mit keim Mäntsch.
Ich bi nu fry, ich bi nu fry!
All Wäld und Sytewäg sind my.
My Wirt ist jedre Brunne;
My Zyter Mo und Sunne.
Au gsehni ’s Dorff und gshen au d’Stadt,
Und gwahre dri all Gattig Lüt;
Ha s’ noch, bi doch vo allne wyt.
Und gspüri au ruch Zyte,
Bi wyt vo ihrem Strytte.
Bi blöiß ä arme Bagäbund.
Warum au nüd? Wie chas es so;
Lönd mich nu rüebig stoh und goh.
Chönd d’Wält älei usäße,
Und mich mira vergäße. |