| lyric | My Liebste ist ä Schnydergsell,
Ist furt i d’Fröndi gange.
Köirt, ’s Finkli frogt: Wie wyt, wie wyt?
Frog ’s Schwälmli ob em Chilezyt,
Und säg em, ich täg plange.
Äs chunt jo us me frönde Strich.
Goht’s zrugg, i las’ ä grüeße!
Meinst, ’s Schnyderli dänk blöiß a dich?
O Jeseß, Chind, ’s git vil nü Schlich;
Z’letzt mußt dy Trüi büeße.
I ha vo ihm sys Härz zuem Pfand;
Was wetti nu für Pfänder?
Lyt ’s Chlüngeli i myner Hand,
Är hangt am roserote Band,
’s goht über alli Länder. |