| lyric | Was lärmed r, Gofe,
Was chönd r mer no?
Hei, Rüschige, hei, hei!
Äh, lömmi au goh!
Und hani äs Rüschli,
Vergwunded mer’s nüd!
Han einist guets Wätter;
’s ist ebiglang sid.
Ha lang nümeh glürgged,
As Chyb vo mym Wyb.
Ha gmeint, müeß verdurste,
Heig ’s Fäkfüür im Lyb.
Und hüt isch mer grote,
Mir plogedem Ma.
Han äs Bränzrüschli kauf tund
Äs Zütteli dra.
Ha d’Chappe voll Chilbi;
Ha d’Bei volle Tänz.
Ä Wält wien ä Gyge,
Ä Himel wie Bränz. |