| lyric | Miir grateliered vo Hëërze em Hoochsigpaar
und wöisched em Gsundhäit und glücklichi Jaar;
Gott sägni die Liebi bis as Läbesänd
und s häilig Verspräche dass s zämestaa wänd.
Für s Hëërz blybt ja d Liebi die alerbescht Spys,
es Stückli vom Himel vom Paradiis.
Drum singed miir jez mit Fröide em junge Paar
und wöisched em Woolstand und Glück Jaar um Jaar:
Gott sägni das Bündnis i eebiger Tröi
und schänk em de Fride, wie’s imer ä sey.
Ja Eestand ghäisst tröi si um jedwede Prys,
und chund us em Hëërz und vom Paradiis.
So gratuliered mir Trachte em Hoochsigpaar
und wöisched em Eerbe e fröölichi Gschaar:
Gott sägni de Glaube an häilige Bund.
De Glaube hilft aisder i feyschterer Stund.
E glöibigi Liebi isch starch aber lys,
vom Herrgott es Gschänk und vom Paradiis. |