| lyric | 1. Miir sind Trachtelüüt vo Züri Stadt und Land,
miir trääged s Eerechläid im trachtestand,
mer sind köi Däämli, näi und sind käi noobli Lüüt,
will d Bodeständigkeit öis bsunders lyt.
2. D Moode tüemer gëërn den Andre überlaa,
doch miir im Trachtegwand wänd zäme haa,
au isch es öisi Pflicht, fröid z mache woo mer chönd
ud s Ander nüd em Chumber überlönd.
3. Frööli singed miir und tanzed äis dezue,
doch druuf wird gschafft und dernaa gits dänn Rue,
ja son e Lääbesfröid isch Gold und Silber wërt,
die häd de Hërrgott sälber öis bischëërt. |